Servicis e departaments

Servicis entath mon locau

Planificacion e Cooperacion Municipau. Atencion e assessorament as municipis e as conselhs comarcaus. Gestion des plans d’òbres e es convocacions d’ajudes adreçades as municipis. Director: Josep Gabarró i Rivelles.

Servicis Tecnics. Assessorament e supòrt ena redaccion de projèctes tecnics e direccion d’òbres des infrastructures de titolaritat municipau, atau coma des installacions e es bastisses dera Deputacion. Conservacion, condicionament e melhora deth hilat viari, e gestion deth plan de viabilitat iuernau des carretères dera Deputacion. Miei ambient. Supòrt a politiques de sostenibilitat impulsades pes entitats locaus. Collaboracion damb diferentes administracions e entitats publiques ena conservacion d’espacis publics. Assessora peth Desvolopament d’Infrastructures: Cristina Casol Segués.

Naues Tecnologies. Estudi, analisi e prepausa d’aplicacions informatiques e mecanismes de seguretat; confeccion e mantenença des programes informatics dera Deputacion. Gestion deth Plan Informatic Municipau. Assessor en Projèctes d’Innovacion Tecnologica: Gerard Serra Martínez.

Arts Grafics. Publique eth Bulletin Oficiau dera Província, coordine e publique es documents estampadi dera Deputacion e es sòns organismes autonòms e collabòre damb es entitats locaus deth territòri en matèria de publicacions. Assessora en Matèria d’Arts Grafics: Margarita Grasilhes López.

Administracion

Secretaria. Da fe publica, coordine era representacion e defensa dera Deputacion as tribunaus, dirigís es servicis juridics. Redigís es actes deth Plen e deth Conselh de Govèrn, realize es tramits de preparacion de convocacions deth Plen e deth Conselh de Govèrn, s’encargue deth registre de decrèts e deth registre generau.

Intervencion. Contròtle e gerís era accion pressupostària dera Deputacion de Lhèida e es sòns organismes autonòms. Contròtle es ajudes as plans d’òbres e servicis entàs ajuntaments e es inversions en carretères provinciaus, e hè estudis de còsti e estadistiques.

Tresauraria. Contròtle e gerís es crubaments e pagaments dera Deputacion e es sòns organismes autonòms. Hè eth comptatge dera caisha jornau e eth crubament des anoncis en BOP.

Servici de Contractacion. Tramite es contractacions administratives, contròtle es certificacions e es fiances.

Servici de Gestion der Auviatge. En realize e en manten l’inventari.

Servicis Juridics. S’encargue dera representacion e defensa dera Deputacion de Lhèida e es sòns organismes autonòms deuant es diuèrsi organs jurisdiccionaus e er assessorament juridic ara Presidéncia e as diferenti servicis dera Deputacion mejançant era emission de jutjaments e informes.

Recorsi Umans. Tramite es ahèrs laboraus restacadi damb es retribucions salariaus deth personau dera institucion. Tanben gerís era formacion e era prevencion de salut. Director de Recorsi Umans: Alexis Guallar Tàsies.

Archiu. Reculh e tracte es transferéncies documentaus, susvelhe era documentacion essenciau e elabòre inventaris, guides e catalògs entara difusion deth hons documentau.

Gabinet de presidéncia

Coordinacion Generau. Coordine e supervise era aplicacion e eth foncionament des accions restacades damb era execucion deth pressupòst dera corporacion, entà çò qu’ei deth sòn foncionament tant intèrn coma extèrn, a trauès dera collaboracion damb autes institucions de govèrn. Coordinadora Generau: Marlen Minguell e Ortiz.

Airau de Planificacion Estrategica. Coordine era gestion des diferenti expedients que requerissen resolucions per part des organs de govèrn dera corporacion atau coma es relacions extèrnes dera Deputacion damb autes institucions.

Cap de Gabinet. Assisténcia e assessorament ara Presidéncia en exercici des sues foncions d’accion politica e institucionau. Acompanhament ena representacion deuant es autes administracions e deuant es entitats e associacions deth territòri de Lhèida. Seguiment des politiques institucionaus e de governança definides pera Presidéncia. Prepauses de definicion des politiques de projeccion institucionau e d’imatge dera Deputacion de Lhèida. Collaboracion e assessorament en matèria de protocòu e difusion dera Presidéncia. Assessorament ena definicion e supervision dera agenda dera Presidéncia. Cap de Gabinet: Carles Gomez Llorens.

Airau de Comunicacion. S’encargue dera comunicacion corporativa e des relacions dera Deputacion damb es mejans de comunicacion. Assistís es municipis en matèries de premsa e supervise e elabòre dossièrs de premsa entar airau de presidéncia. Directora de Comunicacion: Maricel Pujol Guixé.

Relacions Interdepartamentaus. Supervise es collaboracions dera institucion damb diferentes entitats e associacions sense ànim de lucre. Assessor de Relacions damb Entitats e Associacions: Antoni Fo e Bellí.

Relacions damb eth Mon Locau. Coordine diferenti programes d’inversions qu’an coma destinataris es municipis. Assessor de Relacions damb eth Mon Locau: Joan Eroles e Samarra.

Protocòu. Coordine era agenda d’actes publics dera institucion. Susvelhe dera representativitat deth president e des deputats enes eveniments o actes a on participe era Deputacion de Lhèida.

Parc Mobil. Centralize es veïculs que presten servicis de conservacion de carretères, traslat de materiau e foncions de representacion institucionau, entre autes.

Veïculs oficiaus (pròpris o logadi) adscriti ara Deputacion (PDF)

Majordomia. Ne hèn part es ordenances, que s’aucupen dera atencion ath public e es visites, atau coma des manòbres qu’amien a tèrme prètzhèts de mantenença.

Promocion Economica

Organisme autonòm dera Deputacion de Lhèida qu’a coma principaus objectius contribuïr ath desvolopament socioeconomic des comarques de Lhèida e promòir era iniciativa entreprenadora en territòri. Director: Joan Buchaca Arfelis.

CEEILleida. Centre Europèu d’Enterpreses e Innovacion (CEEI) creat er an 2002 pera Deputacion de Lhèida damb participacion d’autes institucions deth territòri. Sopluege iniciatives empresariaus ena sua fasa iniciau e pendent tres ans. Actue coma vivèr d’enterpreses e a un hilat per tot eth territòri de centres omològui a escalèr comarcau. Director: Antoni Piñol.

Hilat CEEI (XLS)

Cultura

Era accion dera Deputacion de Lhèida en matèria de cultura se realize a trauès der IEI. Assessor: Antoni Balasch.

Torisme

Era accion de promocion toristica dera Deputacion de Lhèida se realize a trauès deth Patronat de Torisme des Tèrres de Lhèida. Director: Juli Alegre.

Gestion e recaptacion de tributs locaus

Er OAGRTL ei er Organisme Autonòm de Gestion e Recaptacion de Tributs Locaus dera Deputacion de Lhèida, que da servici as municipis tant telematicament, per Internet, coma presenciaument, a trauès des diuèrsi burèus distribuïdi per totes es comarques deth territòri. Director: Xavier Monné.

Escòles especiaus

Es Escòles Especiaus Llar de Sant Josep son un centre de titolaritat publica dera Deputacion de Lhèida qu’aten escolans d’entre 0 e 18 ans damb andicapat psiquica. Son plaçades en Complex dera Caparrella, ena ciutat de Lhèida.

Grops politics

Còrs d’assessors e administratius que dan assisténcia as deputats des respectius grops politics presents ena corporacion.

Plantilha generau dera Deputacion 2019 (PDF)
Plantilha generau dera Deputacion 2018 (PDF)

Relacion d’immòbles (burèus, locaus, eca.), tant pròpris coma en regim d’arrendament, aucupadi e/o adscriti ara Deputacion

Lista e donades basiques des entitats publiques e privades a on a participacion era Deputacion