Deuant era naua conjontura socioeconomica, era Deputacion trabalhe coordinadament damb institucions e entitats entà atier situacions sociaus d’urgéncia en encastre locau lheidatan. Atau, apòrte recorsi entara mantenença de 163 escòles mairaus municipaus e hè front as despenses escolares de transpòrt e minjador non obligatòri deth territòri.
A mès, damb es conselhs comarcaus e era Generalitat s’an establit ajudes entà familhes damb situacions de risc, s’an generat protocòus de collaboracion enes casi de deslotjament e s’an creat ajudes de teleassisténcia domiciliària, en collaboracion damb eth departament de Benestar Sociau e Familha dera Generalitat.
Solament eth 2014, era accion sociau desplegada pera Deputacion enes comarques de Lhèida beneficièc ues 4.000 familhes. Ena madeisha linha, era corporacion participe en projècte de reabilitacion entà abitatge sociau deth Seminari de Lhèida e er Organisme Autonòm de Gestion e Recaptacion de Tributs Locaus s’a adaptat ara naua realitat economica e laborau de fòrça familhes, entà facilitar as ciutadans eth pagament des impòsti municipaus e eth fraccionament e es prorrògues corresponentes.