Era Deputacion de Lhèida trabalhe peth progrès e eth benestar des ciutadans mejançant eth desplegament de multiples iniciatiues que s’amien a tèrme en collaboracion dirècta damb es ajuntaments, es conselhs comarcaus, eth Conselh Generau d’Aran e era Generalitat; e a trauès d’inversions qu’arriben en tot eth territòri.
Presidida dempús der an 2019 per Joan Talarn (ERC) era corporacion s’a significat per exercici d’un municipalisme comprometut e entà hèr país damb era defensa d’ua Catalonha prospèra. Era equipa de govèrn d’aguest mandat tanben a velhat e contunhe de velhar entà garantir era maximala austeritat e eficiéncia institucionau, damb era aplicacion rigorosa e exaustiva dera naua lei de transparéncia.
