Fomentam eth desvolopament

Fomentem desenvolupament

Manchester

Foment desenvolupament

porcs

desenvolupament xarxa

Desenvolupament camp

laf Flameres

Desenvolupament laf

desenvolupament tub

desenvolupament màquina1

Era Deputacion a promoigut ath long des ans projèctes que s’an mostrat que reaument son de besonh, utils e avantatjosos entà obtier ua mès grana rendabilitat economica dera explotacion agricòla, pagesa e industriau des tèrres de Lhèida, en camin de vier eth principau centre dera activitat agroindustriau de Catalonha.

Aguestes estrategies conjuntes e compartides damb eth sector empresariau, damb eth territòri e damb era Generalitat de Catalonha, an es sòns maximals exemples en Laboratòri d’Analisi de Solèrs de Sidamon (1992), prumèr laboratòri de Catalonha en transferéncia tecnologica e, en tèrmes quantitatius, pionèr en Estat espanhòl en matèria d’analisi de solèrs. Eth Centre Tecnologic Forestau de Catalonha (1996), damb er objectiu de contribuïr ara modernizacion e ara competitivitat deth sector forestau, ath desvolopament rurau per miei dera recèrca, dera formacion e dera transferéncia de tecnologia. Eth Centre de Testatge dera Raça Bruna des Pirenèus (2003), dedicat ara preservacion d’aguesta espècia autoctòna de grana qualitat e, indirèctament, ara generacion de riquesa enes comarques de montanha.

Eth Centre Europèu d’Enterpreses e Innovacion (CEEILleida), airina imprescindible entath foment des enterpreses, dera creacion d’aucupacion e dera diversificacion dera econonomia lheidatana, se metec en foncionament er an 2005 damb er objectiu d’identificar es idèes innovadores e dotar-les de mejans materiaus e umans entà transformar-les en enterpreses consistentes. D’alavetz ençà, eth CEEILleida ei un referent territoriau de supòrt as persones entreprenedores e ara innovacion.

Era Deputacion de Lhèida tanben hè part deth consòrci GlobaLleida, un projècte interinstitucionau d’integracion en ua soleta entitat de tota era activitat de promocion economica e de projeccion deth territòri.