Hilat espitalari

uci

Aquesiment e renauiment d’installacions e equipament medicau

Era Deputacion de Lhèida finance eth renauiment deth hilat espitalari de Ponent. Solament en Espitau Universitari Arnau de Vilanova de Lhèida a destinat a installacions e renauiment d’equipament medicau mès de 13 M€ dempús der an 2011.

Eth finançament d’ua naua UCI (damb 3,5 milions d’èuros, destinadi ara melhora de 14 boxes dera planta siesau e er aquesiment d’equipament complementari) ei era darrèra collaboracion dera Deputacion de Lhèida damb er Espitau Universitari Arnau de Vilanova, dempús deth subministrament e era installacion d’un TAC elicoïdal de 16 talhs, er aquesiment d’un accelerador linear, era renovacion der equipament sanitari e eth materiau quirurgic. Atau madeish, s’a finançat eth bastiment deth nau Airau de Consultes Extèrnes e deth Gabinet d’Obstetrica, Ginecologia e Pediatria, mesura qu’a permetut triplar era capacitat d’atencions en aguestes especialitats.

Er an 2013 se metec en marcha era Unitat de Parrabastatges Cognitius, integrada per ua equipa interdisciplinari, e orientada entath diagnostic e tractament d’un airau especific d’estimulacion cognitiva. Autes accions en aguest centre espitalari van dempús dera restauracion dera bastissa deth Centre de Reabilitacion Ambulatòria deth Segrià enquiara renovacion tecnologica deth centre medicau, damb er aquesiment de nau equipament endoscopic e d’ecografs portables, o era abilitacion des assaniments deth recinte. Fin finau, entre es ans 2016-2017 se destinen 1,6 M€ entara reforma e aquesiment de nau equipament entàra UCI d’aguest espitau universitari.

Era Deputacion de Lhèida tanben hè aportacions entàs equipaments e centres sanitaris deth territòri, coma en cas der Espitau deth Palhars, era Fundació Sant Hospital de la Seu d’Urgell, eth Centre Sanitari deth Solsonès o er Espitau dera Val d’Aran. En cas dera Fundació Sant Hospital de la Seu d’Urgell, s’a subvencionat eth projècte d’implantacion d’un nau sistèma informatic entà melhorar era gestion assistenciau e er aquesiment d’un mamograf, qu’evite desplaçaments ara poblacion locau e ua atencion mès immediata. En Espitau Comarcau deth Palhars s’a aquerit un nau aparelh d’endoscòpia. En Servici Aranés de Salut s’a finançat ua ambulància de supòrt vitau auançat damb er equipament medicau corresponent, s’an renovat ecografs e bistorins electronics e s’a restituït