Eth Plen

Eth Plen dera Deputacion de Lhèida ei integrat pes deputats elegidi d’acòrd damb eth sistèma establit ena Lei organica 5/85, de regim electorau generau, entre es bailes e còssos des ajuntaments dera província, un còp constituït es ajuntaments a compdar des eleccions municipaus.

Eth Plen dera Deputacion ei er organ collegial de govèrn e exercís foncions d’aprobacion des accions institucionaus dera corporacion provinciau. L’intègren 25 deputats, en representacion de tot eth territòri e un n’ei eth president. En apartat “Es deputats” podetz consultar eth nòm des actuaus deputats per partits politics o per partits judiciaus.

Eth Plen celèbre sessions ordinàries damb ua periodicitat mensuau e sessions extraordinàries enes casi qu’era importància e/o era urgéncia der ahèr a tractar atau ac requerís. Totes es sessions an caractèr public e debanen ena Sala de Plens dera sedença dera Deputacion. En apartat “Plens” podetz consultar es convocacions e es ordes deth dia des plens d’enguan.