Eth Musèu de Lhèida Diocesan e Comarcau

Museu de Lleida Diocesà i Comarcal

Era naua sedença deth Musèu de Lhèida Diocesan e Comarcau dauric es sues pòrtes ath public eth mes de noveme de 2007 entà convertir-se, damb ua superfícia totau de mès de 7.000 mètres quarradi, en gran referent museistic de Lhèida. Entà qu’eth Musèu de Lhèida sigue er equipament cabecièr qu’ei ara a calgut er esfòrç de fòrça persones e institucions. Es cessions patrimoniaus dera Deputacion de Lhèida entath bastiment d’equipaments, espacis e servicis an representat ua des contribucions mès importantes, tant entara ciutat coma entath territòri de Lhèida.

Dempús der an 1835, era Deputacion a derivat de forma contunhada ua part fòrça important des sòns recorsi economics e patrimoniaus, ja sigue en prètzhèts de benestar sociau e sanitat, prumèr, e, en ensenhament e cultura, posteriorament.

Er emplaçament deth Musèu de Lhèida enes terrens dera Isla Maternitat a servit entà protegir definitiuament ua part mès que importanta der auviatge artistic des tèrres de Lhèida, que se some ar auviatge istoric, culturau e artistic de tot un país.

Era contribucion der Institut d’Estudis Ilerdencs, damb era cession de dus des sòns prolifics hons patrimoniaus, es hons arqueologic e numismatic, a conformat decisivament era imatge actuau deth Musèu de Lhèida. Sense aguestes dues colleccions –amassa damb es cessions de hons artistics dera Generalitat, er Avescat e eth Capítol de la catedrala– dificilament se poderie mostrar un curós projècte museografic qu’expliquèsse ath visitant eth passat d’aguestes tèrres e eth preciós e secular auviatge que les conformen.