Orquèstra Sinfonica Julià Carbonell des Terres de Lhèida (OJC)

Orquestra escenari

Viola de mà  (Santi Miret)

Orquestra

Viola de gamba (Santi Miret)

Orquestra Reñé i Reverté e

LBarroc  (Santi Miret)

Era Deputacion de Lhèida, amassa damb era Fondacion Julià Carbonell e damb eth supòrt des entitats e institucions musicaus de Ponent, creèc er an 2002 era Orquèstra Sinfonica Julià Carbonell des Tèrres de Lhèida (OJC) damb era intencion de fomentar eth desvolopament musicau deth territòri, aufrir ua gessuda professionau as nòsti musicians e contribuïr, dempús des comarques de Lhèida, ar auviatge musicau deth nòste país.

An passat pòc mès de dètz ans e aqueth projècte musicau, que pretenie mandar eth sinfonisme e era musica de gran format en totes es comarques de Ponent, contunhe mès viu que jamès e damb uns resultats magnifics, pr’amor que Julià Carbonell a vengut, un decènni dempús, ua orquèstra de referéncia en panorama musicau catalan, un reüsit exemple d’esfòrç collectiu e un clar modèl d’empentassada e perseverança des tèrres de Lhèida e dera sua gent.

Gràcies ar esfòrç deth director titolar e artistic, Alfons Reverté, e de toti es musicians que la intègren, enreire demoren dètz ans de trabalh fòrça prolific: de multiples concèrts entà hèr conéisher era orquèstra en totes es comarques, de hèr arribar era musica a toti, de hèr promocion e pedagogia musicau damb sessions entàs mès joeni, d’interpretar es grani classics e de recuperar òbra musicau inedita de musicians lheidatans d’autes epòques (Granados, Carnicer, Andreví…).

E tot açò somat convertís era Orquèstra Sinfonica Julià Carbonell en ua airina de cultura ath servici deth territòri e en ua des melhores cartes de presentacion des comarques de Ponent.

Mès informacion