Cultura

Era Deputacion de Lhèida apòste decididament pera cultura pr’amor qu’ei un estrument de progrès sociau, estimula era capacitat creadora des persones, esperona eth talent locau, permet era transmission de valors e de sentiments entara reafirmacion nacionau deth nòste pòble e, coma exercís de vertadèr motor economic, eth sector culturau ei ua hònt d’ocupacion e de generacion de recorsi qu’apòrte riquesa en mon locau.

Dus exemples clari dera territorializacion culturau dera Deputacion de Lhèida son era Aufèrta Culturau der IEI, entà promòir era produccion, eth talent e era contractacion locau; e era Orquèstra Sinfonica Julià Carbonell des Tèrres de Lhèida, creada entà dar ua gessuda professionau as musicians lheidatans, facilitar er accès de toti es ciutadans ara musica sinfonica e aufrir en ajuntaments e conselhs ua programacion musicau de gran format que, autaments, non poderien assumir.

Era Deputacion hè cultura de territòri entà qu’es ciutadans, deth pòble mès gran ath mès petit de Lhèida, agen es madeishi drets e dispòsen des madeishi oportunitats e servicis, independentament d’a on visquen.

Es escrivans e es prèmis literaris an ua foncion imprescindibla ena nòsta cultura e ena nòsta lengua. Damb es Prèmis IEI (estacadi ara activitat academica), era Deputacion apòste per ua politica editoriau pròpria e de qualitat, mès participe, ath madeish temps, damb era rèsta de concorsi literaris convocadi dempús des comarques de Lhèida, en coordinacion damb ajuntaments e autes institucions.

Fin finau, eth desplegament culturau der Institut d’Estudis Ilerdencs se combine damb ua importanta accion d’assisténcia territoriau, cooperacion economica, tecniciana e culturau as municipis e es comarques de Lhèida. D’aguesta manèra, a banda deth foment des sciéncies, es letres e es arts, era Fondacion IEI realize un prètzhèt ininterromput e constant de recuperacion der auviatge arquitectonic, artistic e monumentau en collaboracion damb ajuntaments, conselhs, entitats culturaus, avescats e Generalitat de Catalonha.

Sepulcres Comdes d’Urgelh
“Perseguidi e sauvadi”. Ua prepausa materiaument intangibla e espirituaument incommensurabla
Orquèstra Sinfonica Julià Carbonell des Terres de Lhèida (OJC)
Supòrt ara produccion teatrau des tèrres de Lhèida
Eth Musèu de Lhèida Diocesan e Comarcau
Oferta cultural i premis
Aufèrta Culturau e Prèmis der IEI
Agenda activitats culturals
Agenda d’activitats culturaus
Ajudes entara cultura e recuperacion der auviatge
Mès informacion