Compromís

Banc dels aliments

En temps de crisi, era solidaritat ei mès de besonh que jamès. E era solidaritat se manifèste a trauès dera ciutadania mès tanben, segur, a trauès des institucions, mès que mès es mès pròplèus, coma son es administracions locaus e, deuant d’aguestes, es deputacions. Per açò, era Deputacion de Lhèida manten ua relacion simbiòtica damb es associacions solidàries deth territòri, pr’amor que sosten era accion des entitats sense ànim de lucre e conformades per volontariat e, ath madeish temps, eth trabalh d’aguestes associacions ei de gran supòrt enes municipis e era sua activitat se complète damb era accion institucionau.

Eth budget dera corporacion contemple apròp de sies milions d’èuros en accions de caire sociau e solidari.

A mès des servicis de teleassistència e prestacions sociaus entà ajuntaments e conselhs, s’i includissen, tanben, accions coma eth finançament des escòles mairaus, minjador e transpòrt escolar non obligatòri, ajudes especifiques entà entitats de caire sociau o entàs escòles especiaus dera Caparrella, entre autes.

Testimònis

 

Agrupació Lleidatana d’Atenció a Persones amb Discapacitat (ALLEM). Coordinadora, Assumpta Fortuny:

“Auem un convèni damb era Deputacion que mos semble exemplar pr’amor qu’es dètz-e-sèt entitats que formam ALLEM dam servicis der encastre dera salut que non les corbís era sanitat publica. ”

Associació Alba per a persones amb discapacitat física i psíquica. Directora gerent, Maite Trepat:

“Alba neishec hè 38 ans e ara aten 250 persones e a 500 sòcis. Era aportacion dera Generalitat ei clau, mès subvencions coma era dera Deputacion tanben. Totun, non auem deishat de trucar ena pòrta d’ajuntaments e entitats privades e me cau díder qu’era responsa, maugrat es tempsi, ei fòrça bona. ”

Associació Comarcal Urgell d’Ajuda al Minusvàlid (Acudam). Presidenta, Angelina Roure:

“Acudam a 650 sòcis e a dia d’aué atiem 153 persones de tota era comarca deth Plan d’Urgelh. Se vòs hèr a córrer un país, dèisha caminar es ciutadans e ajuda-les enes sues mancances.”

Associació Talma, centre aucupacionau entà persones damb risc d’exclusion sociau. President, Antoni Mateus:

“Èm era dusau enterpresa des Garrigues. Pagam 100 nòmines cada mes e, se les trèm aguest trabalh, ara longa ara administracion les gesserie mès car. ”

Centre d’Espòrts d’Iuèrn Adaptat dera Val d’Aran. Director, Andrés Gómez:

“Era Deputacion hè possible qu’ajam ua plataforma de difusion entà hèr conéisher aguest projècte d’integracion a trauès der espòrt. ”

Federació d’Entitats per la Salut (Fesalut). President, Josep Maria Fornós:

“Era nòsta federacion a coma objectiu sopluejar totes es entitats que non auien cobertura e era clau a estat auer er Espaci Salut. Sense es aportacions dera Deputacion auríem ja barrat. “