Salutacion deth president

Benvoludi ciutadans, benvoludes ciutadanes,

Benvengudi sigatz tath web dera Deputacion de Lhèida, era institucion que m'aunore presidir dempús deth dia 11 de junhsèga de 2011 damb era maximau volontat de servici a toti es 231 municipis que conformen es comarques de Lhèida, deth Pirenèu e Aran.

Damb vocacion municipalista e compromís se presente aguesta naua equipa de govèrn, qu'a coma objectiu finalista garantir es madeishes oportunitats a quinsevolh ciutadan, visque a on visque, ja sigue en un pòble de pògui vesins o un nuclèu densament poblat.

Aguest ei eth motiu peth quau eth nòste esfòrç e eth nòste trabalh se centraràn en racionalizar es recorsi existents a favor des nòsti ajuntaments, as quaus se deu aguesta corporacion.

Ua etapa de prètzhèts complèxi condicionadi per un periòde economic dificil, mès tanben ua etapa a on s'aubiren naues oportunitats entà establir es bases d'un municipalisme renauit, qu’aurà de garantir qu'es administracions locaus trabalhen tostemp es servicis de qualitat e de benestar que se merite era nòsta comunitat.

Tradicionauments, era Deputacion de Lhèida a estat ua institucion d'impuls ath territòri e en aguesta legislatura haram toti es esfòrci de besonh entà que continue estant atau, un motor de progrès damb collaboracion damb era rèsta d'administracions e damb era complicitat e eth supòrt dera societat civila.

Sense dobte, i a trajècte entà bastir un futur melhor pr'amor que viuem en un territòri que dispause de capitau uman, recorsi naturaus e ua situacion geoestrategica avantatjosa. Vos demani qu’ajatz confidança en aguest president e en aguesta equipa de govèrn, que se meten ara vòsta absoluda disposicion.

Joan Reñé e Huguet
President dera Deputacion de Lhèida