Comissions especiaus dera Deputacion de Lhèida

Especiau de Compdes

Era Comission Especiau de Compdes ei composada peth president dera Deputacion e pes membres que formen era Comission de Finances e Gestion de Tributs. Era amassada d’aguesta comission ei amiada sus era forma reglamentada e cossent damb çò que dispausen era Lei de Bases, era Lei Municipau e de Regim Locau de Catalonha, eth ROF, e era Lei d’Isendes Locaus.

Transferéncies

Era amassada dera Comission de Transferéncies ei amiada a tèrme tostemp que sigue convenient e sus era forma reglamentada en compliment de çò que dispausen es leis e reglamentacions que siguen aplicables. Ei formada peth president dera Corporacion, es pòrtaparaules des Grops Politics e peth president o presidents des Comissions Informatiues Permanentes damb competéncia ena matèria objècte der estudi de transferéncia.

Junta de pòrtaparaules

Era Junta de Pòrtaparaules ei formada peth president dera Corporacion e pes pòrtaparaules des diferenti grops politics. S’amassarà un viatge cada mes damb caractèr ordinari e, damb caractèr extraordinari, tostemp que se creigue convenient, sus convocatòria prealable dera Presidéncia o sus demanda des quate pòrtaparaules.

Caractèr Sòciolaborau

Cossent damb es acòrds e convènis que reglen es relacions deth personau dera Corporacion, tant deth qu’a condicion de foncionariat coma deth qu’a condicion de personau laborau, en Plen dera Corporacion deth 31 de juriòl de 2003, estèc nomat, coma president d’aguesta comission especiau, eth president dera Corporacion, i coma vocaus es presidents dera Comission de Finances e Gestion de Tributs, era de Ressorces Umanes e Planificacion e dus diputats mès que seràn nomadi peth president dera Corporacion.