Divendres, 12 de març de 2010

MONOLÒG: “La penosa historia de Penélope López”

Eth diuendres 12 de març, era directora e actritz, Nunila López Salamero representèc en cinèma de Vielha eth monològ d’umor “La penosa historia de Penélope López”. Aguesta siguec ua des accions qu’eth Servici d’Informacion e Atencion ara Hemna (SIAH) e era Agent d’Igualtat deth Conselh Generau d’Aran organizèren, damb era collaboracion der Ajuntament de Vielha, laguens deth programa d’actes commemoratius deth 8 de març, Dia Internacionau des Hemnes.

Ei ua istòria de cabaret clown que transportèc ath public, a trauès der arrir, era musica e era dança, a ua reflexion sus era liberacion dera hemna e totes es dificultats qu’a d’afrontar entà artenher-la, mejançant era vida de Penélope López, ua hemna de 40 ans qu'un dia, cansada dera sua vida, decidís cambiar era sua rotina e comence un viatge de cap ara transformacion.

Nunila López Salamero López se dedique a condar condes d’ençà qu’auec un mainatge e se neguèc a condar-li es condes tradicionaus. Alavetz decidic condar-les era madeisha ara sua mòda. Comencèc en ua bibliotèca condant condes ara mainadèra e dempús arribèc en mon des adults. Entre es sues òbres i a La Cenicienta que no quería comer perdices, un conde qu'a agut ua fòrça bona acuelhuda en tot eth territòri espanhòu.

Aquesta activitat s'emmarca dins de l'aposta decidida de la Diputació de Lleida, per desenvolupar a tot el nostre territori la Igualtat d’oportunitats.